النهارده انا هاحكي موقف حصل لي بس ماتضحكوش عليا
المهم كان ورايا امتحان عملي لماده الباثولوجي وهي الماده المختصه بعلم الامراض
والتي يقول فيها الشاعر
مهما ذاكرنا باثولوجي بزمه । في الاخر برضه بننساه
المهم انا اصلا خايف منها لان عليها 100درجه من اصل ال300اي تلت الماده
المهم نمت الساعه2ونص وزبط المنبه علي الفجر صحيت بعد الفجر بنص ساعه بس كده عرفت انه يوم ضارب من بدايته
قولت ايه اروح متاخر شويه لحد الناس ماتدخل وانا اروح علي الامتحان علي طول رحت الساعه عشره ونص والامتحان الساعه
تسعه والباشا (اللي هوا انا) رايح وركبه بتخبط وصلت لقيت شويه طلبه واقفه سبتهم وداخل لقيت الدكتور رايح فين باشا يالا مع زمايلك
المهم ياعم والله انا ماعرفش انا اسف انا غلطان ابوس قفاك اي حاجه مفيش فايده المهم بيقول حد معاه موبيلات قلنا لا الباشا مش يسكت لا
بقوله تعالي فتشني راح جاي وانا مفكر اني ناسي الموبايل المهم بفتحله الشنطه لقي الموبايل في وشه قالي يلا قدامي علي فين علي السجن
كنا حوالي 8طلاب في غرفه والشهاده لله كان فندق خمس نجوم مروحه وميه ساقعه ومصلايات وجرايد وكراسي ومكتب نذاكر عليه
المهم واحنا قاعدين بدا الكلام والتعارف كنت لابس تيشرت مكتوب عليه اطاليا بلانجليزي واحد شافني قالي ايه ياعم سيف لابس ليه لبس الكفار انا قولت اشطه الموضوع احلو وهيبقي سكن بجد سلفيين واخوان ومستقليين وليبراليين وكل اللي نفسك فيه موجود وبدا النقاش ونسينا الامتحان خالص ودليلك ودليلي وصحيح وحسن وصعيف وانا غالبا كنت بتفرج عليهم وكنت بتكلم بسيط لاني ما بحبش الكلام في المسائل الخلافيه واخذت المناقشات الطابع المتعصب وبعدين قولنا كل واحد يذكر يقول عمل صالح عمله لعل الله يخرجنا ولكن الناس ضحكت
وكده بقالنا 3ساعات قولنا نصلي الظهر طبعا العامل عم احمد راجل زي العسل بس يقولي انا عبد المأمور وخلاص المهم ودونا نتوضي واحد واحد علشان محدش يهرب وبعديين صلينا الظهر والسنه كمان وكنا هاندعي دعاء القنوت بما اننا في النوازل المهم الموضوع فيه خلاف مع علماء الامه اللي موجودون معانا في السجن قصدي في الغرفه المهم رئيس القسم جه وعم احمد انا كنت موصيه اول ماييجي يقولي
وفعلا قالي ورحتله وكنت سافرت معاه مره في القطار قالي خلاص هاتدخلوا وبعدين دخلونا علي امتحان خاص لوحدنا خوفا من ان يكون الامتحات اتسرب لينا مع اي حد ودخلنا وحلينا والحمد لله وذلك بعد 6ساعات سجن لكن والله دربت الواحد علي رميه السجون وطبعا انا بهزر السجن احسن وانتو عارفين حتي اسألوا اسراء عبد الفتاح .........
ملحوظه
في الايام اللي جايه امتحانات ارجوا عدم البخل بالدعاء لي .....
سيف الاسلام
هناك ٢٠ تعليقًا:
الظاهر إن موضوع الحبس أصبح ثقافة للشعب المصرى كله
كل واحد قادر يحبس غيره يحبسه
بس حلو الحبس اللى متنوع ده مع إن النقاش في مثل هذه الحالات بيكون ممل
بالنسبة للإمتحانات ربنا يوفق حضرتك وتجيب قدير كويس مازال المشوار طووووويلا طوووووويلا :}
ننتظر بعد الإمتحانات عودة قوية للمدونة إن شاء الله
عزيزي سيف
كيف حالك وكفارة إن شاء الله ..
والسجن للجدعان يا صديقي .. هو دا سجن ياحبيبي ربنا يكفيك شر سجون عمك حبيب بن ال...... عادلي ..
وبعدين صاحبك اللي قالك لابس لبس كفار بيتعلم بلغة الكفار ليه ؟!!!
شكرا وتحياتي
said
مهما ذاكرنا باثولوجي بزمه । في الاخر برضه بننساه
مين الشاعر اللى قال الشعر ده!!!!!
ههههههههههههه
ربنا معاك فى امتحاناتك وفى دنيتك
وبالتوفيق والنجاح
هههههههههههههه
أضحك الله سنك
---
أعانك الله ووفقك في الامتحانات
شد حيلك
كلنا لها !
ربنا معاك وذاكر كويس اوى
ههههههههه
ياعم ولا يهمك السجن للرجالة
واديك ادربت ياباشا استعد بقا
للامتحان طبعا مش للسجن
ربنا يوفقك
تقبل مرورى
السلام عليكم اخى سيف
كانت تلك زيارتى الاولى لمدونتك وان شاء الله مش تكون الاخيره
ربنا يوفقك يارب ويكرمك
وانا اؤيد مساله انك تحاول تتفاهم مدى عقليت من امامك
قال رسول الله صلى الله عليه وسلم ( خاطبوا الناس على قدر عقولهم) صدق رسول الله صلى الله عليه وسلم
أخوك
د/أبا يحيى وادم
هههههههه
باعم كل حبسة وليها اخر
واسالني انا انت عندك حبسة باثولوجي
انا عدي حبسة عضوية وعقاقير
وكمان عندي حبسة اكبر وهيا الوطن العربي المعتقل الكبير الي محبوس فيه بقالي 9 سنين مش عارف اشم اي هوا ولا عارف اهرب منه خالص
بس اكيد هيجي يوم وهطلع
علي العموم مرورك نورني اوي حبيبي
وعلي فكرة في موضوع جديد عايز رايك فيه مستنيك في مدونتي
ههه
وفقنا وفقكم الله جميعااا
انا مبسوطةاوى من وصف حضرتك لتفاصيل فى كليمات معدودات
ولكنها تحمل من الخبايا الكثير
دمت بصحة
السلام عليكم
بص بأه انا مش هقولك السجن للجدعان وعقبال ما يبقى بجد ونبقى سوا ان شاء الله ما تقولش آمين لا انا هقولك عادى يابنى انا دخلت الامتحان بحوالى نص المنهج نص الجارات ونص السلايدز والصور شوفتها مرة واحدة وعادى الدنيا حلوة وزى الفل سيبك من انا عملت ايه لأن دا يبقى خلط فى الاوراق
Remark
عايز اقولك شوية كلام كده بس لما نتقابل ان شاء الله امتى وازاى مش عارف ربنا يسهل
C U Soooooon
اه عارف لو دخلت وما ضربتش كومنت عندى هاعمل فيك مش عارف بس ممكن اعمل فى عاطف الشرقاوى حبيبك ده يالله سلام وهو خير الختام
خديجه
...
اولا نورتي المدونه
تانيا انشاء الله هناك عوده قويه للمدونه
جني
نورت بس اللي قالي لبس الكفار مش صاحبي دا كان معاي في المعتقل وبس
انا مش سلبي نورت
وعلي فكره المؤلف هو كل من ذاكر باثولوجي؟؟؟؟؟
خبيب
وانت كمان
حسبي الله ونعم الوكيل
نورتي
قلب الاسد
لا صحيح قلب اسد
ابا يحيا
ياباشا تنور في اي وقت
الصيدلي
انا جايلك مدونتك احسن لي
شيماء سمير
نورتي بس حلو انك في قسم زخرفه
علشان انا اكتشفت كده لوحدي قبل ما ادخل مدونتك احساس العنكبوت؟؟؟
سيف باشا
انت نورت واكيد هنتقابل قريب
بس ارجوك سيب عاطف اصل هوا محسوب عليا بنفر
ربنا معاك ياسيف
هو صحيح الباثولوجي مادة نفيخة
بس ربنا يوفقك يارب
انا اخوك اسلام صديق طب اسكندرية
ههههههههههههههههههههههه
اضحك الله سنك يا دكتور
اعانكم الله فى الباتولوجى والخربوطولوجى وكل اللى اولوجى واللى ما اولوجيش
فى انتظار العودة
تحياتى
سيف
كيف حالك أخي الكريم
أين أنت وأين الجديد
ت
ح
ي
ا
ت
ي
said
لما انته مش معاهم .. يبقي مين اللى معاهم
يا حرااااااااس .. اقبضوا عليه ..
سلام لك يا دكتورولوجي
إرسال تعليق