عمرو سلامه .....هكذا عرفته

في البدايه انا عتذر لاخي عمرو عن التضامن الضعيف معه في مدونتي ....

مع الشاعر عبد الرحمن يوسف القرضاوي

انا كنت مع عمرو امبارح واكلنا عيش وكبده وكله تمام ولكن انا فوجئت به يعتب علي ......

علشان موضوع الجامعه ....انا طبعا لم اكن اظن ان مدونتي المتواضعه لها هذا التاثير ....

مع الشاعر محمد جوده

المهم انا عاوز اتكلم عن عمرو سلامه ....

رااااااااااااااااااااااااااااااااااااااااااااااااااااااااااااااااااااااااااااااااجل قول من هنا لبكره عن رجوله الولد ده ......

من بيت نحسبهم من المخلصين ..........ولا نزكيهم علي الله .....

طبعا عمي المهندس محمود سلامه ابو عمرو حبيبي وصاحب ابويا حتي ان ابويا لما يجي يعد الرجاله الخمسه

اللي في مدينه ديرب نجم بيعد المهندس محمود منهم .........

انا وعمرو والاستاذ صبحي صالح

عمرو له كاريزما مميزه انا هنا بصدق لا اجامل عمرو لكن اقولها بصراحه انه له مذاق خاص عند التحدث معه

ودود وحبوب ومتحسش بفرق السن بينك وبينه ....يعني احترام وكمان عند ميزه انا لايطش اي حد ......

لما اكون عاوز اتكلم عن مواقفه معي فهي كثيره ......طبعا غير انا عزمني علي كبده ......هههههههههه

منها مثلا لما اعتقلت اول من صمم (بانر) ليا شخصيا خلافا للناس اللي كانت معتقله معي ......

زاملت عمرو سلامه في الكثير من المؤتمرات وكذالك القافله اللي كانت رايحه غزه ......

انا لا انسي لعمرو اني كلما طلبت منه طلب لا يتردد في الاستجابه له ....

لما رحت امن الدوله بيسألني الظابط بيقولي مين اللي علمك التدوين ......

قولتله ببراءه الاطفال عمرو سلامه .......لما طلعت بحكيله وانا زعلان .....

قالي ياعم ولا يهمك انا متعود .....قولتله طيب خلاص عاوز ارجع اقولهم ان انت اصلا اللي عاملي مدوته ......

وضحكنا .........

موقف لذيذ

كنا انا وعمرو رايحين مؤتمر المدونين العرب طبعا عمرو هوا اللي متابع المؤتمرا نظرا لانشغالي في

الكليه اللي يارب اخرج منها كامل قواي العقليه ........المهم واحنا راجعين انا وهوا في سياره الاجره

_علشان بس الناس اللي من الدول التانيه مايعرفوش البيجو _

كان في واحد برتبه في الجيش اذا بعمرو يحاول ان يقنعه ببعض المفاهيم المغلوطه وطبع الراجا ازاي

واحد صغير في السن يقنعه بالكلام ده وعمرو يا عيني عمال يقوله يافندم وحضرتك وسيادتك وانا قاعد عمال اضحك .....

لان مش كل الناس اللي يتقبلوا الكلام وخصوصا من الاقل منهم في اسن ....

اخي عمرو سلامه

......

انا اسف علي تقصيري معك ولكن اعذرني لم اكن اعرف ان مدونتي لها هذا القدر

......

احنا بنصيع ؟؟؟؟ ولا مؤاخذه

ولما كانت الدقيقه الاخيره وانطلقت صافره الحكم لتنهي الحلم المصري بالتأهل لكأس العالم

انطلق الشباب في الكلام عن الحكم وامه وكمان ارض الملعب لا وكمان دور جمال بيه في الهزيمه

بوشه النحس .........

حدث ذلك عندما كنت اشاهد الماتش الاخير بين مصر والشقيقه الجزائر في كليه طب القصر العيني مع اصحابي هناك

طبعا انا كنت راجع من اسيوط وفي دماغي اروح علي دارنا بس لقت اصحابي مصرين اشوف معاهم الماتش علشان الحماس

وكده .........

اول مارحت لقيت الاغاني الوطنيه شغاله واصله معداش علي مصر وكمان لو سألتك انت مصري هاتقول ايه وكل ده

والبنات هات يارقص .....ينهار منيل ايه ده ......امال لو ماكنتش في طب كان ايه اللي حصل ......

الخلاصه ياناس ان احنا بنصيع (نصيع دا مصطلح يستخدمه الشباب لما يلاقي واحد بيستعبط يعني بيستهبل )

صلاه العشاء شغاله والناس بتقول يارب وحمله الخمس دقايق .....ومحدش بيصلي يبقي بنصيع ولا لأ.....

الحراميه بتوع البلد يسرق طول السنه ويجي دلوقتي يروح يحج ويقولق كده الذنوب هاتتمحي من غير مايرجع للناس

حقها ياخي والله مابعرف اقول كلام ابيح كنت قولتلك بس المشكله اللي مش عارف اتخلص منها اني مؤدب ......

والولد اللي ماشي مع بنات اي كلام وفي الاخر عاوز ياخد واحده محترمه ومؤدبه لا وكمان بتعرف تطبخ .....

لا ياباشا دا انت في الاخر هاتاخد واحده مشيت مع نص شباب شبرا ......

ولا البنت اللي عاوزه واحد متدين ومحترم وهيا ماشيه علي حل شعرها ابشرك بشاب من الحزب الوطني ......

يا اسيادنا احنا مش هانضحك علي ربنا .......

............تحديث..............

انا متضامن مع اخي عمرو سلامه صاحب مدونه لسه عايش

واقول له احمد ربنا انك وقعت في ايد حسن راتب اللي كان صاحب الشعراوي

ممكن لو كان حد غيره كان نفخك من زمااااااان واوعي تقولي باي قانون

لان انت عارف القانون اللي بيحكمنا .......

...............

اهلا بالعشر الاوائل من ذي الحجه وربنا يتقبل منكم صالح الاعمال ......

.........................

استمتع ......أنت مفيد

جائني والحزن مالي عينيه ....الحقني يااخي انا حاسس اني مش مفيد حاسس اني اللي ببات فيه باصبح فيه

انا كل سنه في الكليه بجيب جيد جدا وخلاص وكمان الانشطه اللي باعملها هيا نفسها ......مفيش جديد

وكمان الناس لا تتجاوب ....وابويا وامي مشدين عليا في البيت بسبب التزامي ومالمشاكل اللي بتحصلي بسببه

وكمان اصدقائي في الكليه بيحبوني بس بيخافو مني

....وااووااوووووااو.......

بس بس ايهههههههههه ياجدع ......ايه النظره السلبيه دي

الحمد لله الذي من علي بهذه النعمه نعمه التفاؤل حتي ان واحد صاحبي وحبيبي اسمه بهاء الدين بيقولي

كل مايشوفني ايه يا اخي كل ما اشوفك الاقيك بتضحك ومبسوط يابخت اولادك بيك

ههههههههه قولته ياعم مش لما اجيب امهم الاول وبعدين ياخي نعمه الحمد لله عليها

في ايه انت بتحسد ولا ايه قالي لا انا بقر او بنق علي اختلاف الروايات .....ههههههههههههههههه ونضحك ....

هيا الدنيا كده ...... مش مستاهله زعل .....

قولتله بص ياعم الريس الموضوع بسيط خالص بس محتاج منك

انك تبص للنعم اللي ربنا اعطاها لك انت راجل صحيح الجسم

بص للمرضي في المستشفيات وانت تعرف .....

ربنا اختارك من ضمن سكان العالم من المسلمين وكمان مسلم ملتزم وفاهم

وكمان ضمن مجموعه من الملتزمين اللي بيحبو بعضهم ......وكمان ربنا بيقولك

بسم الله الرحمن الرحيم

(وَاصْبِرْ نَفْسَكَ مَعَ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ وَجْهَهُ

وَلا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا

وَلا تُطِعْ مَنْ أَغْفَلْنَا قَلْبَهُ عَنْ ذِكْرِنَا

وَاتَّبَعَ هَوَاهُ وَكَانَ أَمْرُهُ فُرُطًا )

صدق الله العظيم

ياجدع احمد ربك انت في وسط الناس دي لو نمت فيه اللي هايصحيك

ويقولك الحق الدنيا بتمر .....يا اخي نعمه الاسلام نعمه عظيمه ....

وبعدين ايه مش مفيد دي انت مفكر ان اي كلمه بتقولها خلاص كده راحت

والله العظيم اني فاكر اني بفتح كشكوله علشان انقل حاجه

لقيت الكلمه مكتوبه بقوله الله حلوه الكلمه دي قالي ياعم مانت اللي قايلها

قولتله فين ده قالي والله انته انت نسيت ولا ايه ......

وانا فاكر اني وانا في سنه اولي كان في واحد حبيبي في سنه خامسه

بيصحيني الفجر وانا نايم راح قايلي انت مش عاوز تدخل الجنه ....رحت قايم جري

ولا انسها كلما قمت لصلاه الفجر ........

اذن الكلمه اقل شيئ مفيده فما بالك بالكثير ....من الاعمال

اما بالنسبه لابويا واصحابي ف......معلشي انت عاوز تدخل الجنه

كده ببلاش من غير مشاكل ............ياجدع سيدك النبي (صلي الله عليه وسلم)

كان راكب جمل

وبعدين جاء احد المشركين وضرب الجمل بطريقه اثارته فوقع النبي من علي الجمل

3متر ....وكمان علي وقع علي صخره فاخذ يتألم وعندما ذهب الي

بيته ورأته السيده فاطمه اخذت تبكي .....

فداك ابي ونفسي وامي يارسول الله

فقال لها لا تبكي يافاطمه ان الله ناصر اباكي

.........

وبعدين يا جدع حب الناس واستمتع في التعامل معهم خلي الناس تحبك وتحب فكرتك

ماتكونش مقوقع او متشرنق علي راي عبد الرحيم شعبان في برنامج

(حيلهم بينهم )

واخيرا .........ادعوا الله ان يفتح لك وان يرزقك الاخلاص ......

.................

وادعولي علشان بكره عندي مجلس تأديب تاني ......

مش عارف هوا مفيش في ام الكليه دي غيري .....

منك لله ياللي في بالي .......

دي مدونه الحمله بس لسه الصور والباقي في الايام اللي جايه

http://mobadron.blogspot.com/

بادر....... مستني ايه

انها الحمله التي انتظرتها من زماااااااااااااااااان .......

جميل جدا هذا الاسم من المبادره وان يكون الانسان ايجابي ...

ده رابط لموقع طلابنا الجديد

http://www.tolabna.net/

.....بيتكلم عن الحمله بشكل جميل ...

انا بس عاوز اوضح ان انا لما اطلعت علي اهداف الحمله .....

لقيت فيها الكثير من الاهداف التي نستطيع تحقيقها ......

انا بادعوا احبائي طلاب سنه اولي طب ازهر اسيوط ....

بان يتعود منذ بدايته في الكليه علي ان يكون ايجابي ولا يستسلم لاي ضغوط

ولا يوهم نفسه انه غير قادر .......

طبعا زوار المدونه واصحاب المدونات لهم دور كبير في هذا الامر .....

لان هذه الحمله في جميع الجامعات ومعظم اصحاب المدونات من اهل الجامعه......

بس انا حبيت اذكر طلاب سنه اولي لانهم طلبوا مني طريقه تواصل .........

وها انا ادعوهم من هنا الي المشاركه في فاعليات هذه الحمله .......

وطبعا زملائي في الدفعه ......وبشكل خاص روند الاطفال اللي انا فيه .....

الفاعليات ياشباب كلها اعمال انسانيه واجتماعيه بحته .......

المشاركه حتي ولو بالدعاء .....

ويارب تقبل .....

اللهم امين

أهل الله ؟؟؟؟

انهم اهل القرآن الذين هم اهل الله وخاصته ....

ما دفعني الي كتابه هذا المقال انه عندما كنا نتعرف .......فاذا بطالب في الفرقه الاولي

يتكلم وفي وسط كلامه عن حفظه لكتاب الله وكيف انه كان بيراجع في رمضان ....

وانه كان يقرأ في اليوم الواحد 26جزء ايون سته وعشرين مش خطأ مطبعي ولا حاجه .....

قلت ايه ده ربنا يبارك له دا الواحد في رمضان كان بيقرأ الجزأ بالعافيه ..........

تذكرت مع كلام هذا الاخ ذكرياتي مع القرآن نور قلبي اللهم اجعله حجه لنا لا علينا .......

اذكر اول مره ذهبت فيها للشيخ محمد حسنين وكان بيضرب بالمسطره وعندما اذكره الان بيقولي انت كنت

متعب ......

ذهبت بعد ذلك للشيخ سالم امام المسجد الكبير في ديرب وتركته بعدها بقليل ......

دا كله انا وابراهيم اخويا مع بعض (صاحب مدونه ماتخافوش ) وبعد كده للشيخ ماجد ...........

ثم كان الشيخ ابراهيم فخر الله يرحمه هوا من استمرينا معه وحفظنا عنده القران الكريم ...........

حفظنا القران الكريم وراجعناه علي ابونا في اجازه تانيه اعدادي وبعد كده بدأنا في المراجه الصيفيه فقط .......

اتذكر كل هذا وانا منبهر بهذه الهمه لهذا الطالب ........

عندما كنت صغيرا كان ابي يقول لي اريدك ان تستمتع بالقرآن وانا اقول ايه ده .....استمتع بالقران .......

والان وبعد مرور 15سنه من هذا الحدث استمتع فعلا بكتاب الله حتي انني عندما يحصل اي امر يزعلني

بافتح المصحف وأضع يدي علي اي ايه ووالله العظيم اجد حل مشكلتي فيها .....انه القران الكريم ........رفيق دربي ......

وانيسي وقت الشده انه دستورنا ...............

اذكر عندما كنت اسمع امام اشيخ ابراهيم فخر وعندما كثرت غلطاتي اذا بكف محترم علي خدي اليمين

من شدته ودني صفرت ........وعندما قال لي ابي بعدها ان المكان الذي يضرب عليه الانسان بسبب القرآن لا تمسه النار

كنت لما الشيخ يضربني اديله الاماكن اللي لسه مانضربتش قبل كده .........وبعد كده اكتشفت ان كلام ابويا للتصبير فقط ....

لو حكيت ذكرياتي مع القرآن الكريم والمسابقات والجوايز انها بفضل الله كثيره .......

وعندما كنا في المعتقل انا واخويا ابراهيم كان القران هو الانيس فكنا نراجع ونقرأ ونتدبر حتي اننا في تأملنا

لاخر سوره ال عمران اخرجا كنوز كتبناها وعندما نظرت في التفاسير والله وجدت ما كتبناه يوافق ما في التفاسير ....

اذن انها دعوه لاحبابي زوار المدونه ولي شخصيا بالاهتمام بالقران ......

حتي يكون هذا الكتاب حجه لنا لا علينا ......

انتفاضه الاقصي الثالثه ؟؟؟؟؟

بسم الله ....

انا بس هاحط لينك موقع الاخوان وعليه الحمله ....

http://www.ikhwanonline.com/Media/PhotosAlbum.asp?MainCatID=2&SubCatID=17&AlbumID=३९९

وكمان دي

http://www।ikhwanonline.com/

اللهم انصر الاسلام واعز المسلمين ....

ابوك عضو مجلس شعب .....هههههه بس اخوان

دا اللي حصل بالصور اهه اتحولنا للتأديب علشان خاطر مابنحافظش علي الصحه العامه

واللي مش هايحافظ علي الصحه العامه هايتمد بال(الفلكه) مسخره بتحصل في الكليه

بدل ما الطلبه تروح تاني يوم الدراسه تلاقي جدول المحاضرات تروح تلاقي مجالس التاديب

والله العظيم لحد دلوقتي مافيش ولا جدول محاضرات ولا يحزنون ........

وكمان المستشفي عمالين تبنو فيه بقالكوا عشرين سنه والسرقه علي ودنه ..........

حراااااااااااااااااااااااااااااااااااام والله حرااااااااااااااااااااااااااااااااااااااااااااااااااااااااااااااااااااااااااااااااام

لما يكون كل هم اداره الكليه انها تسمع كلام امن الدوله وتنفذه وزياده شويه كمان ........

...........

موضوع النهارده انهم اضافوا لينا في مجلس التاديب زميلنا سيف الاسلام ابن الاستاذ علم الدين السخاوي

عضو مجلس الشعب( اخوان) دايره بسيون غربيه .........

هههههههههههههههههههههههههههههههههههههههههههههههه

تخيلوا ده لو ابوه عضو مجلس شعب عن الحزب الوطني كان ايه حالو كان زمانه رئيس الاتحاد

يلا ..........منهم لله .........

ونسألكم الدعاء .......

بدأت الدراسه ......اهلا بمجالس التأديب

النهارده رايح في امان الله الكليه وكمان لما قابلت الظابط سلمت عليه وقولت له

كل سنه وانت طيب ياباشا....عادي.......

رحنا طبعا الكليه ......المهم طلعنا مدرج سنه اولي علشان في ناس كتير

جايه الكليه من اقارب زمايلنا وموصيين عليهم لو عاوزين حاجه

بالاضافه الي وجود بعض بلدياتي في هذه الغربه لازم نعمل الواجب

بالاضافه الي بعض الاعمال الاخري (انتو عارفيين)............

بعد ما مشينا لقيت العميد طالع ومعاه الظابط اللي انا لسه مسلم عليه وقايله كي سنه وانت طيب

بيقول للطلاب الفرقه الاولي محدش له دعوه بطلاب الاخوا ن واي جماعت الا طبعا الاحزاب الرسميه

(الحزب الوطني ) هههههههههههه................

المهم بكره عندنا مجلس تأديب .......ههههههههه........بالشفا ان شاء الله ...

يذكر ان دا مجلس التأديب رقم سته واربعين ليا في الكليه .......

والاحلي اني لما كنت في المعتقل الظابط بتاع الكليه وطلعا مش هاقول اسمه

لاني مش عاوزه يتشهر ويفضل كده بثلاثه نجوم من اول ما جيت الكليه هذا الظابط عملي مجلس تأديب

وانا في المعتقل وكانت من اكتر الحاجات اللي ضحكتني وانا هناك .........

ولما طلعت ليقته بيقولي معلشي والله ماكنتش عارف انك معتقل ......ياللمسخره

كانك لك الحق في ذلك ........قولو جميعا حسبنا الله ونعم الوكيل

وبرضه الاستاذ سمير سليمان اعتقل من اخوان ديرب تجدوا الاخبار علي مدونه

اخي عمرو سلامه( لسه عايش )......

............

ومعاك الله ياشعب مصر

خبر اسعدني كثيرا .......

انه الافراج عن 20اسيره فلسطينه مقابل فيديو لا يقل عن دقيقه للجندي الاسير لدي حماس

وانا متعمد الا اذكر اسمه .......

المهم ان هذا الحدث عباره عن (حته قلم) لعباس المحتاس لان ده بيوضح بشكل قاطع نجاح

المقاومه وان مفاوضات عباس المحتاس عباره عن ........بلاش علشان محدش يزعل

الحاجه الجميله انهم هايفرجوا عن 4من حماس وخمسه من فتح ؟؟؟؟؟؟؟

فعلا الله عليكي ياحماس

وهذه اسماء الاسيرات المحررات ان شاء الله يوم الجمعه القادمه

فالنحفظ هذه الاسماء كما يحفظ اليهود اسماء أسراهم

ام اننا نحفظ الاعداد فقط ؟؟؟؟؟؟؟؟

آيات قيسي- تاريخ الافراج 18/ 11/ 2009)

روجينة رياض محمد جناجرة- تاريخ الافراج 9/6/ 2011)

ريما أبو عيشة- تاريخ الافراج 13/ 11/ 2009)

هبة أسعد خليل النتشة- تاريخ الافراج 3

ميمونة جبرين- غير محكومة6)

جهاد أبو تركي- تاريخ الافراج 24/ 5/ 20107)

براءة ملكي- تاريخ الافراج 1/11/ 20098)

ليلى محمد صلاح البخاري- تاريخ الافراج 31/ 10/ 20109)

فاطمة يونس الزق- غير محكومة10)

نيفين خليل عبد الله دقة- تاريخ الافراج 4/ 1/ 201011)

كفاح بحش- تاريخ الافراج 2/ 7/ 201012)

لينان يوسف أبو غلمة- تاريخ الافراج 8/9/ 201013)

شرين محمد حسن- تاريخ الافراج 4/ 4/ 201014)

سناء صلاح حجاجرة- تاريخ الافراج 5/ 8/ 201015)

منال زياد محمد سباعنة- تاريخ الافراج 19/ 11/ 2010 16)

زهور عبد حمدان- تاريخ الافراج 12/ 5/ 201117)

هيام احمد يوسف بايض- تاريخ الافراج 7/ 5/ 201018)

ناهد فرحات دغرة- غير محكومة19)

نجوى عبد الغني- غير محكومة2)0

صمود عبد الله خليل- تاريخ الافراج 15/ 12/ 2009)

زواج احد افراد التنظيم (تنظيم البلالين)

ربنا يفرحك يا دكتور اسلام
بقوله خد المصحف يامعلم من اخوك

المهندس ايمن كمال(من اسره اوبريت امه المليار) جاء ليحي الحفل
اعضاء التنظيم (محمد عبده -احمد عادل -سيف الاسلام -ا।صلاح العتومي(مش تبع التنظيم)-ابراهيم )

عبد الرحمن ابن خالتي كام معانا في الفرح

مع الاستاذ صلاح العومي صاحب فريق الصفا (كان معانا في المعتقل)