انا النهارده كنت مسافر وبعدين لقيت سواق الميكروباص بيقولي ازيك يا سيف قولت مين ده
ببص رحت قايل واد يامنص ودا اسم الدلع اللي انا مسميه لمنصور زميل الابتدائي ايه ياباشا انت فين
انا الحمد لله دخلت كليه الطب وانت قالي الحمد لله جبت ميكروباظ والحمد لله .........
منص دا بقي كان معايا في الابتدائي وكنا مسمينه منصور شوفرليه لانه كان بيحب السواقه وهو اساسا
من اسره فقيره ومكانش له في العلام وكانت امه بتحبه جدا و كانت مدلعاه بس كان علي حساب مصلحته
لدرجه انها كانت والده في الامتحانات وكانت تيجي تجيبله ازازه الحاجه الساقعه والبسكوت وكان يزوغ ويروح
يشتغل تباع علي الميكروباصات ببلاش علشان يبقي في جو السواقيين ويبقي مبسوط لو اتعرف علي سواق جديد
زي الواحد لما يتبسط انا اتعرف علي دكتور جديد ومره اتمسك ببرشام كاتب فيه تعريف علم الاحياء
المهم كان امنيه حياته انه يجيب ميكرباص علي خط ديرب الزقازيق
والحمد لله حقق هدفه وهوا دا الشاهد من الحدوته دي
وكمان خطب واحده بيقولي عليها (فرده) انا مش عارف يعني ايه
بس اكيد كلمه حلوه عند السواقيين الهم انه كان زميلي وانا اعتز انه حقق هدفه اي نعم لسه باقي
علي العربيه اقساط بس الحمد لله مستوره ومنه لله قانون المرور الجديد.....
وتحيا مصر.................
هناك ٤ تعليقات:
مالفت نظرى فى هذا الموضوع
حلمه البسيط
فهذا الشاب كل حلمه فى حياته ان يمتلك ميكروباص
كل حلمه ان يصبح سواق
اراد ان يعمل فى المجال الذى احبه
وربما تزيد احلامه بعد ذلك
احب كل من يصل الى هدفه حتى ولو كان هدف بسيط ولكنه ليس سهل.
فى امن الله
السلام عليكم
بداية كيف حالكم اخي الكريم لعلك بخير
واعتذر عن تأخر رد الزيارة بسبب تواجدي في اجازة من التدوين استمرت قرابة الشهر ..
اهم حاجة في صديقك انه حول حلمه لحقيقة وفاز بالميكروباص والفردة
شكرا
السلام عليكم ورحمة الله وبركاته
كل عام وأنتم بخير
كل عام وأنتم صائمون
كل عام وأنتم مصلون
كل عام وأنتم قائمون
كل عام وأنتم قانتون
كل عام وأنتم متصدقون
كل عام وأنتم مغفور لكم
كل عام وأنتم معتمرون
كل عام وأنتم قائمون ليلة القدر
كل عام وأمتكم الإسلامية منتصرة
اللهم بلغنا رمضان وأهلّه علينا بالسلامة والإسلام واليمن والبركات والنصر والتمكين
أخوكم
سعيد
وكمان خطب واحده بيقولي عليها (فرده) انا مش عارف يعني ايه
بس اكيد كلمه حلوه عند السواقيين
ايه يا بني التصنيف الطبقي ده
غلط طبعا
وبعدين كلمة فرده دي يعرفها اي شاب
في مصر
كون ان انت متعرفهاش فده مش معناه
انك هاي كلاس
معناه انك مش عارف بس
إرسال تعليق