غزه ........ارض الرباط

اولا انا اسف علي عدم الكتابه والرد من فتره بس لاسباب دراسيه

المهم انا كنت عايز اتكلم عن غزه من زمان انا الصراحه بحس ان

الناس دي رجاله اوي وكمان انا شايف ان دول اللي قال عليهم النبي

في حديث لا تزال طائفه من امتي علي الحق ظاهرين لعدوهم قاهرين

لا يضرهم من خالفهم ولا من خذلهم وانتهم لفي رباط الي يوم القيامه

ايوا الناس دي احسن مننا.........

الواحد بيتغاظ من الناس اللي عمالين يقولوا الفلسطنيين خونه وحراميه

حاجه تنرفز تلاقي الواحد مالوش لازمه في الحياه وبيتكلم ويقولك

اصل انتوا ثورجيه ।؟؟؟؟؟؟

ياراجل حرام عليك ياتقول خير ياتسكت ॥

طبعا انا بقول الكلام ده علشان موقف معين انا كنت جاي من القاهره

الي مقر اقامتي ديرب نجم العظمي التس تضم بين جنبيها شقتنا العظيمه

المهم كنت راكب مع اتنين صحابي في ملازمين اول في الجيش بس ناس

محترمه وانا بحبهم جدا المهم بنتكلم عن غزه وفلسطين والوضع والدنيا والمشاكل

والجواز والخطوبه والدراسه والكوره وايام الثانويه لما كنا بنزوغ ونروح نلعب بلاي ستيشن

المهم اول ما قولت حديث لا تزال طائفه من امتي لاقيت واحد بيقولي الحديث دا صحيح يا استاذ

واحد عادي خالص فانا بقوله ايوا وللتسهيل قولتله الشيخ محمد حسان قاله للتقريب لاقيته بيقولي

يمكن؟ المهم انا مش عايزك تصدق اللي بيتقال في التلفزيون ان الفلسطنيين مظلومين دا كله كلام فاضي

والجزيره دي بتاعه اسرائيل والاسطوانه المشروخه دي المهم واحد قدامه بيدخن راحت مرات الراجل

ده بتقوله خلي المدخن يبطل السجاير قالها يشيخه مش مهم ؟؟؟؟؟؟؟

قعدنا نضحك بس انا كنت مفكر الناس دي انقرضت مع انقراض الديناصورات واللحمه؟؟

ربنا يرحمنا برحمته ...