امي ..........الخير العظيم

انا مش عارف ابدا ازاي واقول ايه عن امي التي انا فخور بها جدا انا فعلا بحبها جدا بحبها من قلبي بجد

انا باعلنها بصراحه ان امي دي افضل واحسن هديه ربنا اعطاها لي

امي ...

لن انسي تربيتك لي وسهرك عندما كنت تعبان انا لن انسي جميلك ده ابدا .

لن انسي تحفيظك لي القران وكذلك حواديت سيدنا ابراهيم ويونس وكمان سيدنا محمد.

لن انس اول مره عملت فيها مظاهره كنت في 4ابتدائي وكنت ساعتها باخد بريزه يوميا انتي

قولتي لي ساعتها انزل امشي الشارع وقول الاسلام هو الحل....شرع الله عز وجل وانا اعطيك

ريال انا فرحت ووالله لسه فاكر الناس ازاي كنت منفعله معي ومنبهره تربيتك يام سيف।

لن انسي سؤالك عني في المدرسه وكمان عمل سندوتشات الحلاوه اللي كنت ببدلها بسندوتشات الانشون

مع احمد حمدي بيسه।

لن انسي كل رحله عملتيه لينا وببا مسافر السعوديه।

لن انسي دعائك لي لما كنت بلعب كوره وكمان يوم اختبارات النادي الاسماعيلي وكمان تحفيزك لي।

لن انس فرحتك بس يوم نتيجه الثانويه وكذالك ابويا انا كنت في غايه السعاده لفرحتكما والله।

لن انسي سهرك يوم سفري للكليه لتجهزي لي المحشي والمكرونه بالباشميل والفراخ والرقاق وكمان البسندوتشات

واتصالك بي يوميا।

لن انسي كمان دموعك عندما اعتقلت وكمان زيارتك لي كانت عباره عن يوم لن انساه ।

كل الناس في المعتقل كانت عارفه يوم زيارتي انه التلات من سهري اكتب جوابات لكي ويوم الزياره كان عيد

والناس تقولي ايه ياعم هوا مافيش حد له ام غيرك ز وانا كنت اقولهم اصل دي امي ।

كانوا يقولوا لي يابن امك اقولهم وايه ياعني ।ووالله مانسيتك من الدعاء في المعتقل حتي لما قالوا احسن

حاجه ابوك عملها معالك قلت انه اختار امي ।

ايه ياأم سيف الواد سيف كبر وخلاص علي وش جواز انا عارف انك هاتنبسطي دلوقتي لانك دايما تقوليلي

عوزين نفرح بيك بدري وانا اقولك عايز افرح بشبابي يام سيف।

المهم انا لا انسي ان اذكر فضل ابويا الحاج عبده يعني عبد اللطيف زي مابحب اناديله।

الراجل دا ياناس تعب معايا جدا وخصوصا ايام الكوره ।

انا فاكر ان سنه اولي طب جبت جيد جدا ولما عرف كانت الساعه 6الصبح جه جري وطلع علي بوابه النادي

اللي بلعب فيه كوره ونادي عليا وهوا مبسوط مع اني كنت زعلان كنت عاوز اجيب امتياز।

الحمد لله علي نعمه ابويا وامي ।اللهم ارحمهما كما ربياني صغيرا।امين.