احلي يوم عيد ......في حياتي.

طبعا من غير اسف اكيد انتم عاذرين الواحد عن عدم التدوين الفتره اللي فاتت علشان خاطر الامتحانات

نخش(يعني ندخل) في الموضوع بتاع النهارده اللي اثاره عبد العزيز (واحد صاحبي)

اللي هوا الاعتقال اللي فات وكان في ناس طلبت مني كتابه المذكرات وحتي عبد العزيز اللي هوا واحد صاحبي بيقولي انت فخر لمصر طبعا هوا مفكر ان انا زعيم وكده يعني .......

المهم انا هنا هاعمل اعلان عن ما سأكتبه في المرات القادمه وارجوا ان تذكروني في دعائكم اصلح الله

احوالكم ساكتب ان شاء الله عن الاعتقال علي حين غفله(علي سهوه) وكيفيه التعامل معه।

ساكتب عن لو المخبر جري وراك تعمل ايه।اكيد تجري طبعا.........

كمان عن الاحوال داخل السجن ।

عربيه الترحيلات ।

البوكس।

اساور الرجاله (الكلابشات حضرتك)।

الرمد وبلال بن رباح وانا ابن ناس (خاص بتنظيم البللاين فقط)

النيابه والمباحث والترحيلات وقوات الامن والسجن وامن الدوله طبعا ।(الشرقيه فقط ) دا اللي اعرفه।

الفول بالظلط والرمل ।

هانكتب عن حقوق الانسان ।ههههههههههههههههههههههههههههههههههههههههههههههه। احم

الحب اه الحب غريبه دي।ولا ايه يايوسف طلعت ।

كل حاجه في السجن (لعب صلاه اكل و......وشرب كتابه جوابات ايوه... ايه ياعم باكتب لامي فيها حاجه دي وتوزيع الجرايد اللي كانت شغلتي الاساسيه في المعسكر (السجن)و المسيرو بتوع الجهاد والجنائيين وكتيييييييييييييييييييييييييييييييير )

واخيرا الافراج ...........

هيه دي كل حاجه بس...........

نبدأ بيوم الاعتقال كنت باخد دوش ليله العيد (باستحمي) عيد بقي .......

المهم العبد لله وهوا بيستحمي اخويا المعتصم بالله وصلاح الدين قاعدين بيسمعوا فيلم فجر الاسلام

مع انا فيلم حمضان وانا جوه سامع صوت المفروض انه سيدنا بلال وهوا بيتعذب انا بقول لنفسي

انت ياض الناس دي ضحت كتير انت عملت ايه .......بس ورحت نمت ...

صلاه الفجر العبد لله ازيك يابابا حبيبي يبابا واحشني موت يا بابا اديني ايدك ابوسها يابابا قال خد مصروفك ان اعارفك باكاش ॥حبيب قلبي بابا بيفهمها وهيا طايره.......

يا ماما اروح المسيره ولا توزيع الحلويات قالتلي يابني زي ماينطلب منك .....

المهم رحت عند مكان التوزيع لسه نازل لقيت بوكس بيجري ورا ابراهيم اخويا والاستاذ احمد عادل

مش اجري اروح ....لا فين بقي بلال بن رباح وهوا بيتعذب وجري ماسك المخبر (اوا الله انا اللي ماسكه )وزانقه في الحيطه كمان وهوا بيقول الحقني يامحمد بيه (محمد حلمي رئيس المباحث) المهم كذا مخبر مسكوني وقالوا هوا ده بيني وبينكم فرحت قولت خلاص الناس جرين وكله تمام وهيطلعوني بعد الصلاه العيد لقيتهم جايبنهم واحد واحد .....اصل الشارع طلع سد حضرتك....

بس وخدونا علي المركز ودخلونا التخشيبه واول ما دخلت لا حظ اننا لابسين لصلاه العيد قولت بصوت عالي لااااااااااااا انا ابن ناس ومش هاينفع انام هنا .........قعدوا يضحكوااا عليه ।

صلينا العيد احنا الخمسه وكنت دايما اقول كل عيد اقضيه زي اللي قبله الحمد لله المره دي اتغير ....

الدروس المستفاده।

واحد ... ممكن نمسك المخبر بدل مايمسكنا ।

اتنين...لو احنا ولاد ناس ممكن ننام علي البرش ايضا ।

تالتا ....ماتسمعش فيلم فجر الاسلام ليه العيد وانت بتستحمي।

رابعه وخامسا وعاشرا اتركها لذكء القاريء