انه الاستاذ طلعت فهمي
احسبه كذلك ولا ازكيه علي الله رجل من طراز فريد
كان لازم اكتب عنه علي الاقل موضوع ؟؟؟؟؟؟؟
اول ماعملو لينا حفل استقبال وانا هانزل تسجيل متهرب من وادي النطرون يوضح ازاي الاستقبال الاخوان بيعملوه
خلاص كله علي زنزانته واحنا داخلين ممعناش غايارات داخليه ولا حتي استحمينا من عشر ايام لقيت
الاستاذ طلعت فهمي
(صاحب مدارس الجزيره في العجمي والمستشار التربوي لموقع شباب وبس وخبير تربوي وحاجات تانيه كتير )
جاي يقول اهلا بيكم ويلا علشان تاخدوا غيارتكم ووقف يشوفها علي مقاسنا ولا لأ وكان مهتم بدرجه ملفته للنظر
وكل شويه يقول عاوزين ايه تاني ويجيب شباشب وكل شيئ احنا محتاجينه لدرجه اني قولتله ايه الحلاوه دي كل حاجه هنا متوفره
طيب مافيش عروسه بالمره وهو يبقي سجن وجواز ......بصلي كده بكل بساطه وقالي والله يابني بناتي الاتنين جوزتهم ولو كان في تاني
ماكنت اعزهم عنك .....انا طبعا زهلت لان اي حد بقوله كده يقولي يلا ياض العب لما تكبر واللي يقولك مش لما تعرف
تأكل نفسك(ولا اللي رفضوني .....اه اترفضت حولي سبع مرات كده بس لسه عندي امل) .........كان جوابا نادرا..।
المهم انا واقف في التريض (ملعب الكوره) وبعدين لقيت الاستاذ طلعت جاي عليا .....وانا بقول هوا في ايه ...هوا هايعمل فيا ايه
ببص لقيته راح ماسك وشي وراح مديني بوسه علي خدي اليمين وراح ماشي .......وانا في ذهول ايه الحب ده والحنان ده....
وكمان عرفت بعد كده انه كان واخد ३ سنين عسكريه واصلا هوا من عيله كبيره وابن ذوات ........
كان كل مايشوفني انا واخوني الشباب يديني حضن حلو قوي لدرجه اني سألته انت ياستاذ طلعت درست ازاي تدي حضن
قالي لا والله دا هيا كده .......
كان بيسهر طول اليل يعمل للخوان هدايا ليقدموها لاهلهم وزوجاتهم واولادهم ......
كان بياخد اجازه في القران وكل يوم تلاقيه قاعد بيسمع علي الشيخ اسامه ......
كان بيحب الناس كلها والناس ايضا تحبه لدرجه انه لما استضفناه عندنا في زنزانه4ليشرب الشاي بعد ما خلص اتخانقت انا والمهندس ابو عبيده
65سنه مين اللي يشرب بعده ويفوز بسؤره ........كان الصلاح باين في وجهه ...
اذكر في مره اهلي ماجوش الزياره فهوا شافني زعلان لقيته جاي يخدني حضن ويقولي ماتزعلش ........
عملنا مره ورقه علي باب الزنزانه مكتبنا عليه ممنوع الدخولا الا الاستاذ طلعت ......
مواقف كثيره جدا .....حتي لما خرجت هوا اللي اتصل بيا وقالي حمدا علي سلامتك لانه خرج قبلي .........
اللي خلاني اكتب عنه انه لما كنت في اسكندريه الاسبوع اللي فات بتصل بيه قالي تعاللي بكره ......... ولما رحت لقيته
عامل عمليه الفتق الاربي بقوله يا استاذ طلعت انت ليه ما قولتليش انك هاتعمل العمليه امبارح قالي ماكنتش عاوز
ابوظ لك الاجازه ......الله اكبر علي الرجل ده ......لم ار في حياتي مثله .......
بس ان نسيت اخد معه صوره لما رحت له .......تتعوض .....
نسيت اقول ان اخ معنا شافه في المنام مع الرسول ودي هاحكيه في الحلقات القادمه .....
الدروس المستفاده
ليس الاسلام صلاه وصيام وفقط وانما الاسلام معامله واخلاق ......
تجد الاستاذ طلعت يجهز الهدايا لاخوان واهلهم والاخوه جنبه تقيم اليل .... اي شموليه وفهم هذا ॥
ودي شهاده تقدير هاقول المره اللي جايه خدتها ليه .......
انتظروا في الحلقه القادمه من ذكريات لا تنسي .......
.jpg)
هناك ٩ تعليقات:
بسم الله
كل عام وأنتم بخير
أسأل الله العظيم أن يبارك لكم في هذا الشهر الكريم ويرزقكم القول والعمل الصالح
اللهم سلمنا إلى رمضان وسلم رمضان لنا وتسلمه منا متقبلا
دمتم في طاعة
بسم الله ما شـــاء الله
بارك الله لك وله ولكــــل
مسلم صادق مثله وأكثر منكما
انتما الاثنين .ابكيتى ياطبيب !
قال تعالى: مِّنَ الْمُؤْمِنِينَ رِجَالٌ صَدَقُواْ مَا عَاهَدُواْ اللَّهَ عَلَيْهِ فَمِنْهُمْ مَّن قَضَى نَحْبَهُ وَمِنْهُمْ مَّن يَنتَظِرُ وَمَا بَدَّلُواْ تَبْدِيلاً الأحزاب:23.
إنت يا واد ... ياض .. يله ... مخدتنيش ليه معاك لأستاذ طلعت ... يا ندل ... أندل الشرقاوة ... يا أندل مدون إتسجنت معاه .. يا ندددددددددل ...
وللعلم بقى ... أستاذ طلعت برضه كان بياخدني حضن من غير مناسبة .. بس هه
احمد
وانت بخير
نورا
الله يصلح حالك
محمد خيري باشا
انت اندل واحد لانك رحت المنصوره
وماعدتش عليا مع اني جتلك الفيوم
السلام عليكم
جميل اوى الاستقبال ده والله من كتر اللى ابى قاله عن ايام المعتقل واللى كانوا بعملوه نفسى اروح بس مينفعش ربنا ميحكم على بنت بيها المهم عجبتنى اوى شهادة التقدير عقبال البكلريوس
مدونة حضرتك جميلة ربنا يباركلك فيها ويرزقك زوجة تحفظك وضحكنى اوى حكاية سبع مرات دى ربنا يسهل لحضرتك الامر ويوفقك فى الحياة
مدونة سيبك منهم
7 مرات
مره اخرى ويبقى اكتر من السعى بين الصفا والمروه لا اله الا الله ده تفوق وبجداره فى فن التنفير.
بصراحه قليل جدا تبقى فى ناس زى استاذ طلعت اللى بتحكى عنه
وليك حق تزعل انك مش روحلته يوم ما عمل العمليه.
ربنا يرزقك دايما بناس زى كده تخفف عنك
سيادتك بالضبط مثلما قولت فى اليوتيوب
احفظ ربنا وخلى علاقتك بربنا كويس ينفعك وقت الضراء قبل السراء
إرسال تعليق