انه الحب ياعزيزي..........

النهارده رحت اجيب بعض المناطيل(جمع بنطلون )من عتد الخياط اللي كان بيخيط بعض التمزقات في هذه الملابس .......

علي فكره انا غلبان اوعي يغركم النظاره ودكتور وبتاع ههههههههههههه........

المهم لقيت هناك راجل وامراته في المحل في اواخر العشرينيات هم اصحاب المحل ومشاء الله في قمه الانسجام والرضا.....

هزرت معاهم (كعادتي)شويه ومشيت .............وانا مبسوط بهذا الرضا بالحال ......

بعدها بشويه لقيت واحد صاحبي بيقولي ويحكيلي عن الاسفين اللي واخده من واحد زميلنا اخر.......والاسفين يعني (مقلب او مشكله)...

قعدت افكر ليه بعض الناس بتتعامل كده واالاخرين بيتعاملو بحب ............

شخصيا انا با تعامل مع الناس بحسن نيه بس ده مش معناه اني عبيط لا سمح الله لكن اعتقد ان انا ةالناس اللي زيي من الشخصيات المتفتءله

وذالك يؤدي الي حسن النيه علي طول الخط...............الا اذا ظهر العكس ............

مثلا تلاقي الواحد يبعت رساله لحد او يتصل بيه ما يردش ......او حتي يعتذر بعد ذالك

الواحد يقول مثلا تلاقيه في مشكله او حاجه معطلاه ................

اما الاشخاص الذين يضربون هذه الاسافين في الناس اذا حدث ذالك معهم

تلاقيه يقولك ياعم شوفت اه مش (راضي يرد)حاجه تشل والله ياعم وانت ايه اللي عرفك انه مش راضي.........

ايه ده انا خرجت عن الموضوع .......نخش في الموضوع

الموضوع يا ساده ان الحب يصنع المعجزات اه يصنع .......

حب الله ورسوله والاسلام يجعل الانسان يموت نفسه في سبيل هذا الدين...................

حب الاب والام والاخوة يجعل الانسان وفيا لهم ويتكلم عنهم بخير دايما واكتر حاجه تزعل الواحد لما اشوف واحده

مثلا تتعامل مع امها بغلظه وشده لما تكون بتشتري حاجه (بشوف الكلام ده عندنا في المحل _محلات الاقصي للملابس الجاهزه حريمي رجالي اطفال خصم خاص لزوار المدونه ههههههههههه) ......

الحب ده هوا اللي واداني المعتقل لما المخبرين جروا ورا ابراهيم اخويا علشان يمسكوه والله العظيم ما اقدرت امسك نفسي

ههههههههه رحت جاري ورا المخبر ده ورحت قفشه لا وكمان بقله انت رايح فين خد هنا.......... ورحت ماسكه من قفاه ......اي نعم خدت اناوابراهيم ثلاث شهور سجن بس برضه الواحد حس انه بيحب اخوه جدا .........

ولا انسي يوم ما انجرح محمد اخي الصغير في اذنه وذهبت به الي المستشفي وكنت في لهفه وحب خاص له.....

اما يوم اعتقال ابي فاخذت ابكي واقول له انا السبب لانه ظل جالس معي الي الساعه 2باليل مع انه كان المفروض يبات بره البيت

اما يوم ان مرضت امي واخي المعتصم بالله بالقلب (عدم انتظام ضربات القلب) كنت في لهفه وخوف لم اجد له مثيلا حتي اطمنت عليهما............

اخي المعتصم بالله امين اتحاد الطلبه في معهد بنين ثانوي

اذكر اني لما كنا في المعتقل طلب مني الاستاذ طلعت التحدث بالنيابه عن ابناء الاخوان قالو لي

ايه

احسن حاجه عملها ليك ابوك قلت انه اجوز امي........

اما حب الوطن فلا انسي ان فازت مصر علي الجزاير الماتش الاول -وكأن الواحد كان بيتلكك علشان يفرح باي انتصار

يوم فازت مصر

اما حب الاصدقاء فحدث عنه ولا حرج

حدث معي اليوم موقف وانا ماشي في المستشفي النهارده لقيت واحد زميلي بيقولي فين ياعم ال8جنيه اللي عليك وانا مش فاكر حاجه

زي كده المهم كنت ماشي مع صديقي الحبيب الطاهر النقي عبدالله احسبه كذلك ولا ازكيه علي الله

رحت مادد ايدي في جيبه علي طول ومطلع كبشه فلوس واعطيته فلوسه لاني ماكانش معاي فلوس_مش بقلكم غلبان-

الشاهد ان الحب هوا الذي يدفعنا الي المسامحه والتماس الاعذار .......

مش كده ولا ايه