سؤال سألته لنفسي الان بعد مرور سنتين علي انشاء المدونه ؟؟؟؟
لمذا ادون ولماذا اكتب ؟؟؟؟
الاجابه ....
الصراحه
اني عندي عاده اني لما يكون عندي مشكله بحب اكتبها
وكمان اي موقف يحصل لي قبل ما اعمل المدونه كنت اكتبها في اجنده خاصه ....
ثانيا
التواصل مع اصحاب الرأي وكيف اتقبل الاراء المختلفه ....
ثالثا
تنميه مواهبي في الكتابه .......
رابعا
العمل الاعلامي يكسب الانسان العديد من الخبرات وهو مجال لم اعمل به قبل ذلك مطلقا
انا اشتغلت حاجات كتير من اول ما كنت باشتغل شيال كراتين زيت في المصنع اللي تحتنا(بربع جنيه) ....
مرورا بعملي في فرقه اسلاميه (طبعا مش منشد) ومرورا علي نوادي مصر للعب الكره وطبعا هههه استقر بي الحال في
نادي ديرب نجم
لحد ما اشتغلت تاجر شنطه من سنه 3اعدادي لحد 2طب وتاجرت خلالها في العطور وكمان
في الطرح الحريمي والخمارات بحكم ان احنا عندنا محل ملابس كبييييييييييييييييير جدا في ديرب
نجم اسمه (محلات الاقصي ) ايه دي دعايه وكمان خصم خاص للي يشتري من عندنا عن طريق
معرفته من المدونه ؟؟؟؟؟؟؟؟؟
خامسا
فضح انتهاكات حقوق الانسان اللي ممكن تحصل في المجتمع ॥
سادسا
اهداف اخري ......
ادعوا جميع زوار المدونه واصحاب المدونه ان يفكروا ولو لبعض الدقائق
للتفكير في الاحداث وتجديد النيه .....
ولا تنسونا من صالح دعاؤكم ...
هناك ٢٢ تعليقًا:
يا سلام
نوايا كبيرة جدا
انا لي بعض النوايا بالاضافة الى كلام حضرتك
منها
1- نشر الفن الهادف
2- تكثير سواد الاسلاميين على النت
3- التفاعل مع الاحداث الجارية
4- التعرف على ناس حلوة زي حضرتك
تقبل تحياتي
أخوك محمد سليمان
اهداف تستحق التدوين
بس انا يمكن مش كل اللىبسجلة فة يومياتى بكتبة بس باهتم انى استفيد قيمة منه
دكتور محمد سليمان
دا انا اللي حصلي الشرف اني بتعرف علي ناس حلوه زي سياتك
بنوته
كويس بس انا مش قصدي ان انا بكتب كل شيئ بتحصلي ولكن الامور المؤثره فقط
يعني مش هاكتب اني عملت خناقه لما رحت اجيب عيش علشان دا بيحصل كل يوم ....
فلا الاول كنت بدون تدوينات سياسيه سخنه بحته
لكن طيب ما هو الاحداث الزفت كله عارفها هى ناقصه.
لكن التجربه مش كانت فاشله افادتنى عاشن اعرف ناس اخرين افادونى فى معرفه قدواتى الان. ومنهم الام الروحيه لى زينب الغزالى مش كنت اعرفها لحد السنه اللى فاتت بس عرفتها بعدين وعرفت اد ايه الاعلام ابخسها حقها.
ومنها اكتشفت ووضح اكتر ادامى هدفى: تنميه فكر البناااااااااااااات يبقى تفكيرهم كبير هادف عالى خارج نطاق وحدود اللبس والطبيخ والمسلسلات . وايام الدراسه المذاكره والاوراق.
وبقى هدفى الان: تنميه فكر البنات وتشجعيهم . نفسى يبقى فينا زينب الغزالى هذا العصر
تسجيل احداث وكيف استفدت منها الاحداث المهمه اكيد ومنها يوم من حياتى.
اكيد تدوين وجهه نظر السياسيه لانه اهتمام اساسى مهم.
اخيرا اى شئ مهم يحصل فى كليتى ومنها الرد على زميلنا بتاع اتحاد الطلبه والجدوال وغيرها
وبالله التوفيق
ربنا يجعل مدونتنا حجه لينا مش علينا
دكتوره تك كير
جميل جدا زينب الغزالي (العظيمه) انا بحبها وكمان امي بتحكي عنها كتير بس بيزعلني ان في بنات مايعرفوهاش ؟؟؟؟؟
امي كانت تحكي عنها وانها كانت تتمني ان تصبح مثلها والحمد لله احسب امي من
المخلصات ولا ازكيها علي الله ....
اسألوا عن ام سيف (ماركه مسجله) ....
مشاكل بيوت ....تحل
زواج بنات ......تزوج
امور فقهيه ....موجود
حب وحنان.....هيه اساسا اسمها حنان ....
التدوين شيء رائع وجميل , يكفي انك بتطلع كل مشاعرك سواء فرحة او حزن او غضب او انتقاد او حتى شكر
ده نفسه شيء مريح
يا ريت تستمر في التدوين وما تبطلش
كل ما قلته وقاله زوارك الافاضل جيد لكن أضيف إليه أن كل صاحب دعوة لابد أن يطرق كل الابواب لنشر دعوته، والمدونات باب كبير من أبواب نشر الفكرة بالحوار الراقي والاستمالة العقلية والوجدانية وتوظيف الاحداث، زد الي هذا ان هذا المجتمع التدويني يحتاج الي الناصحين الموجهين الذين يبذلون الجهد ليجعلوا العالم أفضل وأحسن وأجمل.
ربنا يخلى هالك يادكتور ويبارك فى مامتك يارب.
يارب اللى خلى فى زينب الغزالى ماركه مسجله.
ومامه سيادتك ماركه مسجله
يخلى فى الفقيره لله بعد عمر طويل ماركه مسجله
طبعا طبعا بعد كل الكلام الجمل اللى فوق دا مشض هلاقى حاجه اضيفها بس هقولك برضه (:
انا زك برضه عندى اجنده من سنة 2001 كنت بكتب فيها ومازلت ... كنت بكتب وارسم حاجات قبل كدا وبعدين نقلت كله فى الاجنده دى .... كانت هى حياتى والعالم الخاص بيا بما انى كنت انطوائى لحد ما ...
بدات عندى فكرة التدوين لما بدات ادخل نت واكتشف العالم ده ويمكن مكنتش عارف يعنى ايه اساسا مدونه ولا تدوين .. بس كنت حابب ان يبقى ليا مكان على النت اكتب فيه وانزل فيه كل رسوماتى... ظهر موضوع التدوين ده لما لقيت فى كلام كتير عنه فى الجزيره تحديدا ولما لقيت اكثرية المدونات او الهدف اللى كان واضح قدامى من المدونات هو فضح النظام الفاسد فى مصر وكشف الفساد
لقيته الهدف ماشى مع ارائى ومع ميولى قررت انضم للعالم ده
وعملت مدونات كتييييير على بلوجر وعلى جيران ومكتوب
بس للاسف مكنتش بعرف اتعامل معاها خالص بالاضافة ان مكنتش بلاقى زوار قد كدا للمدونه ...
الى ان استقر بي الحال لمدونتى دى عملتها واخيرا قدرت افك رموز عالم التدوين وادينى تلميذ بيتعلم كل يوم فى العالم ده
ويارب تكون فعلا مفيده ليا ولكل اللى بيزورها
تحياتى ليك ( ومتزعلش بقى انى طولت كدا )
والله سؤال مهم جداً
وأهداف حضرتكـ والأهداف والنوايا اللي كتبها الزوار الأخرون جميلة جداً وقيمة
ربنا يكرمكـ يا دكتور سيف
وإن شاء الله أحط الأهداف دي في الإعتبار عند التدوين وأنا أهه لسه بادئ تدوين
كل سنة وإنت طيب
السلام عليكم
نوايا جميلة للتدوين .. التدوين طريقة لإيصال أفكارنا لللآخرين واثراء ثقافتنا ومعلوماتنا .. والتواصل مع الآخرين ونوايا تانية كتير ............ دعواتي لك بكل خير
ابو ضياء
جميل كلامك...
وماتخافش مش هابطل ان شاء الله ؟؟؟؟
د ايهاب ابراهيم
ربنا يجعلنا من اصحاب الدعوات ؟؟؟
حمدي جعوان
ماهو برضه يا اخي انت لازم تستمر ولا تمل ويكون عندك صبر ...
وربنا يثبتك ؟؟؟؟
مواطن شوجاع
انت منور يا حبيبي ربنا يخليهملك
وتكون شوجاااااااااع ....
عالم حبيب
منور مدونتك يا حبيبي ؟؟؟
انا كمان بحب التدوين جدا
رغم انى لسه جديده
وفعلانويا حضرتك تستحق التدوين
مدونه طيبه
سعدت بزيارتها
تحياتى
شوشو
شوشو
مدونتك جميله انا شفتها
بس كلامك كبير علي سنك عندك 13سنه انتي متأكده
ربنا يوفقك؟؟؟
بصراحه انا احى حضرتك على البوست شدنى جداااااااا
لان فعلا النيه هى أصل الشئ
وجزاكم الله خيرا على التذكره
وتقبل تحياتى
ضحى
ضحي
ربنا يسترها معاكي ويرزقك الاخلاص.....
إرسال تعليق