ذكرياااااااااااااااااااااات

في اجازه نصف السنه اللي فاتت كنت باخد كورس في العباسيه
وكل يوم كنت اعدي من امام المحكمه اللي هناك وافتكر اليوم اللي

بتوع البلديه جريوا وراي علشان كنت ببيع هناك
...........
اياااااااااااااام

وانا في 3 اعدادي قولت لبويات انا عاوز اروح اسكندريه مع اصحابي في المدرسه وعاوز فلوس طبعا

ابويا قالي لا علشان خايف عليا والبحر وكد ه

........
افتكرت المثل الاسكتلندي(ماعرفش منين المثل ده والله) (ان من يملك فلوسا فأنه يملك قراره)

قررت ان اشتغل واجيب فلوس لان لو كان معاي فلوس كان زمان الواحد راح لوحده ..........

في الاجازه رحت واخد من ابويا( 70 )جنيه ورحت طالع انا وابراهيم اخويا صاحب مدونه ماتخافوش علي طنطا

شركه النور هناك بتاعه الشرايط الاسلاميه ورحنا شاريين شويه شرايط للشيخ كشك وقرأن وكده .....

وشويه مسك واللذي منه ورحنا طالعين علي مسجد في الزقازيق يوم الجمعه اسمه مسجد قبه الصخره وهو مسجد كبير

ورحنا فارشين (بلغه اهل السوق )
وصلينا واول ما الصلاه خلصت رحت رايح انا وابراهيم مناديين
(يلا الشريط باتنين جنيه )

(ويلا باتنين جنيه وجرب كمان )
وببص لقت الناس فعلا جايه تشتري
..........
وروحنا انا وابراهيم والحمد لل كسبنا في اليوم ده

جينا يوم السبت بقي رحنا فاصليين البضاعه بالنص وكل واحد خد شويه وبقينا نسرح ( بلغه اهل السوق برضه ) وبقي ليا زباين

وربنا فتحا معايا وسددت اللي عليا لابويا وبدأت العمليه توسع معايا وفي نهايه الصيف كنت اشتريت لبس ورحت عشر ايام راس البر مع اصحابي وكل د من فلوسي وفضل معاي 600جنيه في الاخر برضه .........
الصيف اللي بعده قولت ياد ماتتطلع علي مصر تبيع هناك وحتي الشريط ابو تنين بيعه ب5وفعلا رحت طالع علي هناك

وفرشت وظبطت نفس امام محكم العباسيه الابتدائيه وشويه ولقيتلك بتوع البلديه ........بيجروا ورا الناس

وانا لا اراديا رحت لامم بضاعتي ويا فكيك ........اول اتبيس رحت ناطط فيه واداني حلوان بالصلاه علي النبي ؟؟؟؟؟؟؟؟

.......................................

سبحان الله فضلت شغال لحد 3 طب كنت اروح المستشفي يوم والشغل يوم وتتطور الشغل وشغلت معاي ناس واحد في تجاره

وواحد في طب ..........

وحتي الزباين لحد دلوقتي عارفاني وفكراني مره واحد لقيتها جايبه ابنها عنده 23سنه وبتقله الدكتور سيف بتاع الشرايط

كان يوم ..............

واصحابي يقولولي استشاري شرايط دبلومه في الفيديوا ..........

..................................

طيب هوا انا بقول الكلام د ليه كنت مقابل واحد صاحبي واخد كليه تجاره ومش لاقي شغل بقوله علي الفكره دي

بيقولي الناس تقول ايه ..............الله يخربيت الدماغ

ياناااااس سيبوكوا من كلام الناس

وزي ماقال
سيد الغناء العربي الاصيل
المغني المسطول
جورج وسوف
كلام الناس لا يقدم ولا ياخر