النهارده في صلاه العيد في ديرب نجم زي مايكون كان في انقلاب عسكري
الامن متواجد بقوه وكذلك الاخوان الامن مش عاوز الاخوان يظهروا باي شكل من الاشكال
راح متفق مع الاخوان انهم يعدوا الحواجز اللي واضعها الامن فرادي وكمان يلموا اللوحات
وبعد ما الاخوان مشيوا فرادي بدأ الامن في اصطياد الضحايا من اواخر الناس ولكن الله سلم مع اخوكم
وجريت لحد ما ريقي نشف من الجري .......
بصيت لقيت المخبرين اللي كانوا مسكيني المره اللي فاتت جايين يقولولي تعالي يادكتور
بالراحه كده ।؟؟؟؟؟؟؟؟هوا انا هبل دا انا اتعلمت يابا .......ويا فكيك طياره .....
لحد مادخلت المصلي في وسط الناس .......
وطلعت بعد الصلاه وانا ببصلهم وهما مش قادرييت يعملوا حاجه .....
ليه ؟؟؟؟مش عارف ......يمكن بيخافوا ....
ولا اعضاء مجلس الشعب وتجمع الناس وكده ......
الله اعلم ؟؟؟؟؟؟
المهم ان ربنا سترها ...
وطبعا الاتصلات من زمايلي ومن اخواني في المعتقل بيطمنوا
علي زعيم تنظيم البلالين .......
وهوا انا عايش الحمد لله؟؟؟
وكل عيد وانتم طيبين.
هناك ٣٣ تعليقًا:
كل سنة وحضرتك بخير .. عيد سعيد
حمدا لله علي سلامتك
عاطف
كل سنة وانت طيب
وحمدا لله علي نجاة رئيس تنظيم هيئة البلالين النووية من محاولة الأغتيال الفاشلة
احمد
وسيادتك بخير ؟؟؟
د.ايهاب ابراهيم
الله يسلمك يا دكتور
دا ببركه دعاؤكم؟؟؟؟
عاااااااااااااطف
روح قلبي وصديقي
اخيرا نورت المدونه
ياراجل فيها ايه لما يكون انت امين الشباب في الحزب الوطني في ديرب ويكون اعز اصحابك هوا زعيم تنظيم البلالين
مش كلنا زعماء ولا ايه ؟؟؟؟؟؟
الحمد لله يادكتور حمدا على سلامتك
انا تفاعلت بصراحه مع المقطع اللى سيادتك بتقول فيه اخوكوا اتقطع نفسه من الجرى ويافكيك طياره
الحمد لله يادكتور
دى بركات الرساله مش فجر الاسلام
take care
الف شكر علي فيلم الرساله الجميل اللي كان هايوديني في داهيه ....
المهم وانا طالع لقيت اخ بيقولي
غطي عليا يا دكتور سيف قلت ياعم
مش لاقي غير سيف .....
اجري ياعم شوفلك حد غيري
انا كمان شفت عربيتين رايحيين ناحيةالجامع وكان بالتاكيد مش علشان يحرسوا المصلين
بس هو حضرتك قولت انهم بيلموا اخر الناس بعد مالاخوان يمشوا واحد واحد
لية ؟ هيعملوا معاهم اية ؟
بنوته
جامع ايه وفين ؟؟؟؟؟
هوا انتي اللي عرفك اصلا ان العربيات كانت عند الجامع الكبير ؟؟؟؟
المهم
حضرتك اللي بيخادوهم بيودوهم الي
منتجع هه ما يسميه الناس الوحشين زيي كده (معتقل)....
حصل لبس انا اقصد الجامع عندى مش الجامع اللى نقصده فى الموضوع
انا عارفة انهم رايحين يستجموا فى المنتجع بس لية؟ ايه التهمة ؟ وخصوصا ان دول شكلهم بيصلوا وبس
بنوته
هوا انتي(حضرتك) من مصر ؟؟؟؟؟؟
اه ومن كتر مسمعت مش بصدق فلا تتعجب
شكلك كده عاوزه تشوفي وتسمعي عن اللي بيحصل جوه ادخلي بس علي حسابي علي اليوتيوب وانت تشوفي كل حاجه الحساب موجود تحت الشات بوكس؟؟؟
حمد لله على السلامة يا بطل
وكل عام وانتم بخير
تقبل تحياتي
الحمدلله على سلامتك ’ ’
وكل عام وأنت بألف خير وصحه وسلامه ’ ’
وعيدك مبارك ’ ’
ضكتور جدا
ياعم بطل ايه ؟؟؟؟
دا انا جريت بقولك طياره يافكيك كده يعني؟؟؟؟
ساره
الله يسلمك عقبالك....؟؟؟؟؟
كل عام وانتم بخير وصحة وسعادة واقرب الي الله تقبل الله منكم صيامكم وقيامكم واعاد الله عليكم هذه الايام المباركة بالخير عليكم وعلي احبابكم يا رب العباد
ماشاء الله ماشاء الله
عيد صحى جدا (رياضة الجرى):d
حمدا لله على سلامتكم يا فندم
بس حضرتك تصور ان زجازيج :) فى أخوات فتشوا شنطهم وهما داخلين الاستاد عشان الصلاة صراحة صراحة ذوق عالى جدا ربنا يهد المفترى يارب
فى النهاية ده دليل على خوفهم الشديد سبحان الله فعلا اد ايه بيخافوا حتى من البلالين .. أقصد يعنى وجه بسيط جدا عمل بس يفرح الناس سبحان الله
أدامكم الله على درب دعوته وتقبل منكم
غريب
وانت بخير اخي
خديجه عبد الله
هههه رياضه اجباري وخصوصا بعد ما الواحد زاد 5كيلوا؟؟؟؟
الحمدلله على السلامه ....
وكل عام وأنت بخير ....
وعساكم من عواده...
نهار
وانتي بخير ...
وعساكي من عواده ايضا ؟؟
*دعاء مصرى بمناسبة عيد الفطر:
اللهم اننا قد صبرنا عليه ربع قرن فاعفو عنا وارحمنا واجعله عيد"سعيد"أو
"سيد"أو"حسن"بس عشان خاطرى بلاش مبارك
sara amin
ساره امين
ههههههههههههههههه
بلاش مبارك الجنين بيقولها في بطن امه
كل سنه وانتي طيبه ؟؟؟
واتمني تكرار الزياره للمدونه .....
يسترها ربنا معاك
ومع الجميع .امين
كل(شّدة) وانت طيب
نورا
وانتي بالف صحه؟؟؟
السلام عليكم
هيا متأخرة شوية
بس كل سنة وحضرتك طيب وبتجرى
(سيف الاسلام)
فتاه من عالم اخر
ولا متأخره ولا حاجه
كل سنه وانتي طيبه
فتاه من عالم اخر
منوره تاني
فلت يا ابو السيوف
باركلي ل اسلام
وقوله الفيوم كلها بتقولك
بارك الله لكما وبارك عليكما وجمع بينكما في خير
محمد خيري
الفرح كان ناقصك بجد تتعوض ان شاء الله في فرحك؟؟؟؟؟
إرسال تعليق